close
戴耀廷（前左）出席為聽障人士而設嘅佔中聾人佈道會，有即場手語傳譯，戴耀廷自言有啲緊張，但台下反應尚算唔錯。（葉家豪攝）
聽障者佈道會
【明報專訊】佔中發起人之一戴耀廷近日周圍去講解普選同佔中理念，佢仲同Emily講笑，話自己無咩叻，最叻得把口，周圍同人講道。不過，戴耀廷噚日終於遇到有口難言大挑戰，因為佢要同一班聽障人士講普選，佢自己都話有少少緊張。
「公民抗命」手語難譯
由於要配合即時傳譯，戴耀廷語速比平時慢一半，佢話未試過講嘢咁慢。噚日嘅佈道會應該係目前最有動感嘅佈道會，共有30多個聽障人士參加，由手語傳譯員即時翻譯，傳譯員工作一啲都唔易做，除咗要做手語，仲要有豐富嘅表情配合，大會有3人輪流做即時傳譯員，每約15分鐘換人。有傳譯員同Emily講，手語主要係意譯，所以佢哋首先要對佔中有一定認識，不過一啲太複雜同抽象嘅名詞，例如公民抗命、普選、政綱理念，由於太難譯，所以佢哋會寫喺白板。
嚟緊10月5日仲有一場殘疾人士和平佔中研討會，有唔同殘疾人士參加。戴耀廷話未來一星期要去7場活動，仲未計視像會議同外地港人講解佔中。近日一班漫畫家都度緊個漫畫家商討日，遲啲可能有漫畫講商討日！
全站熱搜
留言列表
手語開班快訊 (0)
