超有趣手語廣角鏡--莉娜手語工作坊

別名方包的方芷盈是嚴重聽障，一出生就已活在無聲世界。即使戴上助聽器，也無法聽清別人說話，要靠讀唇理解。

方包在主流中小學讀書，那時她常常獨自一人，「我唔識得點樣同同學溝通，或者佢都唔知點樣同我溝通，咁我都唔想麻煩佢哋。」方包小時候在聾人中心學習說話，發音有點不清，但溝通也沒有難度，只需多點時間和耐性。只是並非每個人都願意付出這耐性，「佢可能覺得同我溝通要用好多耐性同時間，佢哋可能覺得好攰，所以唔想同我哋傾偈。」她再補上一句：「我都明白嘅，好理解。」

在孤單的世界裡，畫畫是她的救贖。她小時候就喜歡臨摹叮噹、龍珠等漫畫，慢慢培養出畫漫畫的興趣，「因為我細個好少講嘢，但又好多想法，所以我就想畫一格格嘅漫畫去表達我嘅想法。畫畫對我嚟講，係一個可以同人溝通嘅方式，令我唔會覺得好孤單。」一枝筆、一本畫簿，為她的無聲世界開了一扇窗。

她中學畢業後在香港知專設計學院讀平面設計，現在任職平面設計師，亦不時會上載漫畫到她的Facebook專頁「我的無聲世界」。漫畫內容大多是她的生活點滴，題材輕鬆。在此之前，她亦曾出版過數本漫畫，包括《我的無聲世界》、《無聲的戀愛世界》、《無聲的旅遊闖蕩》等等。沒有聲音，令她的靈感更豐富，「我哋可能吸收唔到人哋講緊乜嘢，個腦會有空白，嗰個空白可能會有好多唔同嘅幻想。」

她也曾怨過：「以前中學嘅時候會覺得點解我聽唔到嘢？點解人哋聽到嘢？好唔開心。但係大個諗返，其實聽唔到嘢係好小事，最緊要你而家做緊咩嘢，我覺得知道自己做緊咩就會好開心。」聽障少不免為她帶來不便，她卻笑說：「我覺得會訓練到我哋EQ高，同埋心靈強大，仲會有好多耐性。」

撰文：鄭靖而
攝影：胡智堅