close

龍耳聽障人士職業支援及社會服務中心創辦人邵日贊（左）話，「龍耳手譯寶」App 4月投入服務，預約咗就可以得到即時手語翻譯。聽障人士李先生（右）示範點樣喺睇醫生時用App溝通，佢背後、熒幕上嘅手語翻譯員可以向唔明白手語嘅人翻譯聽障者嘅手語意思。（鍾林枝攝）

【明報專訊】弱聽人士，尤其係用手語嘅聽障人士，喺日常生活中與人溝通時成日出現困難，有機構開發咗真人翻譯App（手機應用程式）「龍耳手譯寶」，幫助弱聽人士同健聽人士溝通，4月1號正式推出。

呢個App歡迎聽障人士、健聽人士，甚至坊間組織或商業機構使用。使用者首先要喺App上預約日期同時間，以聽障人士覆診為例，只需喺預約時間打開App，就會有手語翻譯員現身，為弱聽同健聽人士做溝通橋樑。服務時間為星期一至六，上晝9點至夜晚9點，星期日同公眾假期暫停服務。

除咗喺App度翻譯之外，開發App嘅龍耳聾人及弱聽綜合服務中心亦有提供面對面翻譯服務，多數用於見工、學生見家長、睇醫生同一啲學術事務上。中心手語翻譯員馬芬燕話，中心會員可以免費使用服務，非會員都可以註冊成為會員後免費享用，聽障人士可免費入會，會費向政府或商業機構募捐。

arrow
arrow
    全站熱搜

    莉娜手語工作坊 發表在 痞客邦 留言(0) 人氣()

    E-mail轉寄