隔牆有耳：聖誕去海港城學手影－超有趣手語廣角鏡--莉娜手語工作坊

一對小手，可以做到好多手影，好似白鴿，相信唔少人都識整。但查實仲有好多動物，都可以透過一雙巧手呈現㗎！海港城噚晚特別請嚟台灣首席手影大師張正龍，教一班聽障人士做特別嘅聖誕手影，好似聖誕糜鹿、貓頭鷹、天鵝同白兔等（圖），「手」到拿來，既應節又得意。
聽障人士平時雖然要用手語，但同學習手影好唔同，因為手影嘅動作除咗要快，仲要富想像力，而一啲高難度嘅手影，聽障人士可能更得心應手，因為佢哋雙手一定更靈活。
其實張大師特別為海港城重新設計配合聖誕同奇幻光影主題嘅「奇幻聖誕手影SHOW」，喺24日至31日上演，而佢每晚表演後嘅6點都會傳授秘技，若然想靠一對手呈現聖誕氣氛，不妨學番一招半式。